Русский
English
Санаи 19 ноябр дар шаҳри Душанбе дар ҷаласаи навбатии Шӯрои ҳамоҳангсозӣ оид ба рушд Кумитаи давлатии сармоягузорӣ ва идораи амволи давлатии Ҷумҳурии Тоҷикистон маросими тантанавии супоридани сипосномаҳо ба шарикони рушд баргузор намуд.
Сипосномаҳо барои саҳми арзандаи шарикони рушд дар баргузории Форуми байналмилалии сармоягузории Душанбе – 2025 (DIIF-2025) ва иштироки фаъолона дар ҷалби сармоя ба иқтисодиёти Тоҷикистон супорида шуданд.
Дар суханронии худ муовини якуми Раиси Кумитаи давлатии сармоягузорӣ ва идораи амволи давлатӣ — Фаррух Юсуфзода, аз ҳамкорӣ ва кумакҳои арзандаи шарикони рушд дар ноил шудан ба натиҷаи таърихии Форум — имзои созишномаҳо ва ёддошти тафоҳум оид ба сармоягузорӣ ба маблағи зиёда аз 4 миллиард доллари ИМА самимона изҳори сипос намуд.
Таъкид гардид, ки ин сипосномаҳо нишони эҳтироми амиқ ва эътирофи саҳми арзандаи онҳо дар таъмини рушди устувори иқтисодии Тоҷикистон мебошанд.
Дар анҷом, муовини якуми Раиси Кумитаи давлатии сармоягузорӣ ва идораи амволи давлатӣ бори дигар аз ҳамаи шарикон изҳори миннатдорӣ намуда, омодагии комили худро барои идомаи дастгирии ҳамаҷонибаи татбиқи лоиҳаҳои муштарак таъкид кард.
17 