Holding an event in honor of the 30th anniversary of the XVI session of the Supreme Council and the Day of the President of Tajikistan

Имрӯз дар Кумитаи давлатии сармоягузорӣ ва идораи амволи давлатӣ бо иштироки  муовинони раиси Кумита, сардорон ва масъулони воҳидҳои сохтории дастгоҳи марказӣ ва роҳбарони ташкилотҳои системаи Кумита бахшида ба 30 - юмин солгарди Иҷлосияи 16-уми таърихию тақдирсози Шӯрои Олии Тоҷикистон ва “Рӯзи Президент” чорабинии тантанавӣ баргузор карда шуд.

Чорабиниро муовини раиси Кумита Зуҳурзода Саид ҳусни оғоз бахшида, қайд намуд, ки таърихи навини Ҷумҳурии Тоҷикистон аз баргузории Иҷлосияи таърихии XVI Шурои Олии Ҷумҳурии Тоҷикистон сарчашма мегирад. Агар истиқлолият Тоҷикистонро аз низоми рукуд ва шахшуда ба ҷумҳурии соҳибистиқлол ворид кард, пас Иҷлосия авҷи ҷанги таҳмилии дохилиро хомӯш ва ваҳдату якпорчагиро сармашқи ҷомеаи кишвар намуд. Яъне, арзиши ин санаи таърихӣ баробари истиқлоли Тоҷикистон хеле баланд аст ва ин таърихи миллат ва халқи кишвар бо ному фаъолияти пурсамари Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайванди ногусастанӣ дорад.

Сипас, оид ба ин ҷашни муҳими сарнавиштсози миллат, сармутахассиси раёсати дастгирии соҳибкории Кумита Барзудиева Манзура муфассал баромад намуд.

Дар охир Раисикунанда ҳозиринро ба муносибати 30-юмин солгарди Иҷлосияи XVI Шурои Олӣ ва Рӯзи Президент муборакбод намуда, ба ҳама фазои осоишу меҳру муҳаббат, файзу баракат ва ба диёри биҳиштосои Тоҷикистон сулҳу сафо ва гулгулшукуфоии ҷовидонаро таманно намуд.