Русский
English
Дар доираи сафари ҳайати Ҷумҳурии Тоҷикистон ба давлатҳои Осиёи Ҷанубу Шарқӣ, санаи 20 ноябри соли 2024 дар шаҳри Сингапур Форуми сармоягузории Тоҷикистон ва Сингапур бо иштироки бахши давлатӣ ва хусусии ду кишвар баргузор гардид.
Дар Форуми мазкур аз ҷониби раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода иқтидор ва имкониятҳои сармоягузории Тоҷикистон ба намондагони бахши давлатӣ ва хусусии Сингапур муаррифӣ карда шуд.
Инчунин, дар доираи Форуми мазкур бо иштироки раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода, муовини якуми раиси Бонки милии Тоҷикистон Фируз Шарифзода, директори генералии корхонаи воҳиди давлатии “Тоҷинвест” Дилшод Ҷуразода ва муассиси ширкатҳои TajRupt ва tajrupt.ai Азизҷон Азимӣ ҷаласаи панелӣ ташкил карда шуда, ба саволҳои иштирокчиён вобаста ба имконияти ҳамкорӣ дар Тоҷикистон посухҳои мушаххас дода шуд.
Дар доираи Форум имкониятҳои сармоягузории Тоҷикистон, низоми бонкӣ, фаъолият дар бахшҳои саноат, рушди зеҳни сунъӣ дар Тоҷикистон ва ба роҳ мондани ҳамкорӣ бо ҷониби Сингапур, тақвияти ҳамкориҳо дар доираи фаъолияти Донишгоҳи байналмилалии рушди Сингапур дар Тоҷикистон (MDIS) ва дигар масъалаҳои барои ҷонибҳо манфиатбахш мавриди баррасии ҷонибҳо қарор гирифт.
1 079 