Тоҷикӣ
Русский
Санаи 6 октябри соли 2022, соати 09:00 дар Кумитаи давлатии сармоягузорӣ ва идораи амволи давлати ҷаласаи васеи ҳайати мушовара оид ба ҷамъбасти натиҷаҳои фаъолият дар нуҳ моҳи соли 2022 ва вазифаҳо барои семоҳаи чоруми соли 2022 бо иштироки масъулини дастгоҳи марказӣ ва ташкилотҳои зертобеъ, сардорони раёсатҳои (мудирони бахш) сармоягузорӣ ва идораи амволи давлатии мақомоти иҷроияи ҳокимияти давлатии Вилояти Мухтори Куҳистони Бадахшон, вилоятҳои Суғду Хатлон, шаҳри Душанбе ва ноҳияҳои тобеи мамлакат баргузор гардид.
Дар рафти чорабинӣ оид ба ҷамъбасти натиҷаҳои фаъолияти Кумитаи давлатии сармоягузорӣ ва идораи амволи давлатӣ дар нуҳ моҳи соли 2022 ва вазифаҳо барои семоҳаи чоруми соли 2022 ҳисоботи муовини якуми раис Хуршед Мирзо Файзуллозода шунида шуд.
Дар ҳисобот оид ба рафти татбиқи лоиҳаҳои сармоягузории давлатӣ, лоиҳаҳое, ки дар доираи созишномаҳои сармоягузорӣ фаъолият менамоянд, ҷалби сармояи хориҷӣ, вазъи фаъолияти соҳибкорӣ дар ҷумҳурӣ, механизми татбиқи маратория ва имтиёзҳои мавҷуда барои соҳибкорону молистеҳсолкунандагони ватанӣ, нигаҳдорӣ, ҳифз ва истифодаи самараноки амволи давлатӣ маълумот дода шуд.
Ҳамзамон, сардорони Раёсатҳои сармоягузорӣ ва идораи амволи давлатӣ дар Вилояти Мухтори Кӯҳистони Бадахшон, вилоятҳои Суғду Хатлон оид ба вазъи имрӯзаи соҳибкорию сармоягузорӣ дар маҳалҳо ва мушкилоти ҷойдошта суханронӣ намуданд.
Дар хотимаи ҷаласа аз ҷониби раиси Кумита Қодирзода Саъдӣ супориш дода шуд, ки бо дарназардошти таклифу пешниҳодот ва супоришҳои мушаххаси дар ҷаласа баёнгардида, қарори ҳайати мушовараи Кумитаи давлатии сармоягузорӣ ва идораи амволи давлатӣ қабул карда шавад.
2 982 