Тоҷикӣ
English
Тибқи супориши Ҳукумати Ҷумҳурии Тоҷикистон дар ҳамкорӣ бо Маркази мубодилаҳои тиҷоратӣ-иқтисодии Чин бо давлатҳои аъзои Созмони ҳамкории Шанхай санаи 2-юми декабри соли 2024 дар шаҳри Душанбе Мизи мудаввар дар мавзӯӣ “Дурнамои сармоягузории соҳибкорони Чин ба Ҷумҳурии Тоҷикистон” баргузор гардид.
Дар чорабинӣ роҳбарият ва намояндагони вазорату идораҳо, Сафорати Ҷумҳурии Мардумии Чин дар Ҷумҳурии Тоҷикистон, зиёда аз 20 ширкатҳо аз Ҷумҳурии Мардумии Чин ва бахши хусусӣ иштирок намуданд.
Чорабинӣ бо суханронии ифтитоҳии муовини якуми Раиси Кумитаи давлатии сармоягузорӣ ва идораи амволи давлатӣ Фаррух Юсуфзода, Сафири Ҷумҳурии Мардумии Чин дар Ҷумҳурии Тоҷикистон Цзи Шумин ва муовини роҳбари Маркази мубодилаҳои тиҷоратӣ-иқтисодии Чин бо давлатҳои аъзои Созмони ҳамкории Шанхай хонум Чень Юнь оғоз гардида, ба иштирокчиён самтҳои афзалиятнок, қонунгузорӣ ва дастгирии давлатӣ дар соҳаҳои, кишоварзӣ, саноат, энергетика, сайёҳӣ, инноватсия ва минтақаҳои озоди иқтисодӣ муаррифӣ карда шуд.
Пас аз қисмати расмӣ, тибқи барнома байни ширкатҳо вохӯриҳои дуҷониба баргузор гардида, ба меҳмонон лоиҳаҳои мушаххас пешниҳод карда шудаанд ва вобаста ба иқдомоти минбаъдаи ҳамкориҳо мувофиқа ҳосил шуд.
826 