Тоҷикӣ
English
Санаи 22 январи соли 2025 дар заминаи пайгирии масъалаҳои дар натиҷаҳои сафари кории ҳайати кишвар ба Малайзия, Сингапур, Индонезия ва Тайланд (17-26 ноябри соли 2024) ҳосилгардида мулоқоти маҷозии Раиси Кумитаи давлатии сармоягузорӣ ва идораи амволи давлатӣ Султон Раҳимзода бо Директори ширкати “Central Malaysian Properties” Дато Чан Тен Ги баргузор гардид.
Дар мулоқот инчунин Сафири фавқулода ва мухтори Ҷумҳурии Тоҷикистон дар Малайзия Ардашер Қодирӣ ишитрок намуд.
Зимни мулоқот масъалаҳои имкониятҳои сармоягузории ширкати малайзиягӣ дар соҳаҳои гуногуни иқтисоди Тоҷикистон, аз ҷумла бонкдорӣ, тандурустӣ, маориф ва тиҷорат, баррасӣ гардида, таваҷҷуҳи махсус ба лоиҳаи истифодаи оби кули Сарез равона карда шуд.
Зимнан, Дато Чан бори дигар омодагии чанде аз ширкатҳои малайзиягиро барои ҳамкорӣ ва сармоягузорӣ ба Тоҷикистон иброз намуда, таъкид намуд, ки ташрифи валиаҳди Салтанати Негери Сембилани он кишвар – ҷаноби Тунку Алӣ Резауддин ба Тоҷиикстон, ки дар соли ҷорӣ ба нақша гирифта шудааст, ба ин раванд мусоидати амиқ хоҳад кард.
Дар фарҷоми мулоқот ҷиҳати иштироки сармоягузорони ҷониби Малайзия дар форуми байналмилалии “Душанбе Инвест-2025”, ки баргузории он дар нимсолаи дуюми соли 2025 дар шаҳри Душанбе дар назар дошта шудааст, даъват ба амал оварда шуд.
1 765 