Тоҷикӣ
English
Санаи 5 феврали соли 2025 бахшида ба шарҳи нуқтаҳои асосии Паёми Президенти Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” таҳти роҳбарии муовини раиси Кумита Хуршедаи Қодир ва директори Институти илмӣ-тадқиқотии сайёҳӣ ва соҳибкории Донишгоҳи байналмилалии сайёҳӣ ва соҳибкории Тоҷикистон, доктори илмҳои иқтисодӣ, профессор, Иброҳимзода Илҳомиддин баргузор гардид.
Қайд гардид, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон масъалаҳои дар меҳвари давлатдории Ҷумҳурии Тоҷикистон мавҷудбуда ва рушдкунандаро мавриди таҳлил ва хулосабарорӣ қарор дода, дар доираи талаботи имрӯзаи ҷаҳони пуртаззод ва пешрафти дигаргуниҳои куллии сайёра доир ба масъалаҳои пешгирӣ кардани таъсири хавфҳои эҳтимолӣ ба иқтисоди миллӣ, рақамикунонии хизматрасониҳои давлатӣ, истифодаи васеи ҳисоббаробаркуниҳои ғайринақдӣ, ҳалли масъалаҳои вусъат додани истифодаи технологияҳои муосири рақамӣ, вусъат бахшидан ба равандҳои инноватсионӣ ва истифодаи ҳамаҷонибаи имкониятҳои технологияҳои рақамӣ дар иқтисодиёт дастуру супоришҳои судманд пешниҳод намуда, солҳои 2025 – 2030-ро «Солҳои рушди иқтисоди рақамӣ ва инноватсия» эълон карданд.
Дар ин замина, аз ҷониби директори Институти илмӣ-тадқиқотии сайёҳӣ ва соҳибкории Донишгоҳи байналмилалии сайёҳӣ ва соҳибкории Тоҷикистон, доктори илмҳои иқтисодӣ, профессор, Иброҳимзода Илҳомиддин вобаста ба масъалаҳои рушди соҳибкорӣ ва сармоягузорӣ дар Паёми Пешвои муаззами миллат рӯнамо пешниҳод карда шуд
2 073 