Тоҷикӣ
English
Ҳамватанони азиз!
Фарорасии ҷашни бошукӯҳи байналмилалии Наврӯзро ба ҳар яки Шумо самимона табрик гуфта, ба Шумо саломатии бардавом, рӯзгори осуда, файзу баракат ва ба Ватани маҳбубамон пешрафту шукуфоии пойдор орзу менамоям.
Наврӯз ҳамчун ҷашни эҳёи табиат ва рамзи навсозиву тозагӣ, мардумро ба созандагӣ ва некандешӣ ҳидоят менамояд.
Боиси ифтихор аст, ки дар замони соҳибистиқлолии кишвар, бо сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҷашни Наврӯз мақоми байналмилалӣ касб намуда, ҳамчун нишонаи фарҳанги сулҳпарвар ва арзишҳои волои миллӣ ба ҷаҳониён муаррифӣ гардид.
Имрӯз, дар шароити рушди босуръати иқтисоди миллӣ ва татбиқи сиёсати фаъолонаи сармоягузорӣ, Наврӯз моро ба татбиқи ҳадафҳои созанда, ҷалби сармоя ва густариши ҳамкориҳои байналмилалӣ илҳом мебахшад.
Ҷашни Наврӯзи имсола, ки ба истиқболи 35-солагии Истиқлоли давлатии Ҷумҳурии Тоҷикистон рост меояд, барои ҳар яки мо масъулияти бештар ҷиҳати таҳкими дастовардҳои миллӣ, ҳифзи арзишҳои фарҳангӣ ва саҳмгузорӣ дар рушди устувори кишварро тақозо менамояд.
Бо таманниёти нек, бори дигар фарорасии ҷашни Наврӯзи байналмилалиро ба ҳамаи Шумо табрик гуфта, ба ҳар як хонадони тоҷик хушбахтӣ, оромӣ ва рӯзгори пурсаодат орзу менамоям.
Ҷашни Наврӯзи байналмилалӣ муборак!
41 