Русский
English
Санаи 15-уми сентябр раиси Кумитаи давлатии сармоягузорӣ ва идораи амволи давлатӣ Султон Раҳимзода бо Сафири Фавқулода ва Мухтори Ҷумҳурии Корея дар Ҷумҳурии Тоҷикистон Ҷон Сонг Шик мулоқот намуд.
Зимни мулоқот масъалаҳои омодагӣ ва иштироки ҷониби Корея дар Форуми байналмилалии сармоягузорӣ «Dushanbe Invest – 2025», ки моҳи октябри соли ҷорӣ дар шаҳри Душанбе баргузор мегардад, мавриди баррасӣ қарор гирифтанд.
Ҷонибҳо оид ба самтҳои эҳтимолии ҳамкорӣ табодули афкор намуда, аҳаммияти форумро ҳамчун минбари муҳим барои рушди робитаҳои иқтисодии мутақобилан судманд таъкид намуданд.
Дар анҷоми мулоқот ҷонибҳо омодагии худро ҷиҳати густариши ҳамкорӣ ва барқарор намудани муносибатҳои шарикӣ дар соҳаҳои гуногун, аз ҷумла сармоягузорӣ, тиҷорат ва лоиҳаҳои инноватсионӣ изҳор доштанд.
193 