Русский
English
Санаи 21-уми майи соли 2026 дар Кумитаи давлатии сармоягузорӣ ва идораи амволи давлатӣ бо иштироки намояндаи Прокуратураи генералии Ҷумҳурии Тоҷикистон, роҳбарият ва кормандони дастгоҳи марказӣ ва ташкилотҳои системаи Кумита вобаста ба амалисозии Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2026–2030 ва Нақшаи амал оид ба татбиқи он ҷаласа баргузор гардид.
Дар ҷаласа, аз ҷониби мушовири дараҷаи 2 -Прокурори калони Маркази иттилоотӣ оид ба пешгирии экстремизм, терроризм ва киберҷиноятҳои Прокуратураи генералӣ Шарифзода Абдулфаёз моҳият ва муҳтавои Стратегияи пешгирии экстремизм ва терроризм дар Ҷумҳурии Тоҷикистон барои давраи то соли 2040 ва Нақшаи чорабиниҳо оид ба амалисозии он барои солҳои 2026-2030 маълумот дода шуда, вобаста ба хатари густариши ин зуҳурот барои ҷомеа, вусъат бахшидани фаъолият дар ин самт ва ҷоннок кардани корҳои фаҳмондадиҳӣ, махсусан дар байни ҷавонон таклифу пешниҳодҳои зарурӣ манзур гардид.
Аз ҷониби роҳбарият ва баромадкунандагон қайд гардид, ки Ҷумҳурии Тоҷикистон дар қатори ҷомеаи ҷаҳонӣ алайҳи ин зуҳуроти номатлуб чораҳои қатъӣ андешида истодааст.
Таъкид гардид, ки тамоми кормандони дастгоҳи ва марказӣ ва ташкилотҳои системаи Кумита ва ҳар як фарди ватандӯсту соҳибмаърифатро зарур аст, ки аз оқибатҳои нангини ин зуҳурот бохабар буда, бар зидди ин хатар муқовимати дастаҷамъона нишон диҳанд.
Дар анҷоми вохӯрӣ иштирокчиён оид ба масъалаҳои мубрами мубориза бо экстремизм ва терроризм мубодилаи афкор намуданд.
95 