Иштироки ҳайати Ҷумҳурии Тоҷикистон дар Форуми соҳибкории Барномаи Ҳамкории иқтисодии минтақавии Осиёи Марказӣ (CAREC)

Санаи 29-уми сентябри соли ҷорӣ ҳайати Ҷумҳурии Тоҷикистон дар шаҳри Улан – Батори Муғулистон дар Форуми соҳибкории Барномаи Ҳамкории иқтисодии минтақавии Осиёи Марказӣ (CAREC) таҳти унвони “Афзоиши сармоягузорӣ – ҳавасмандгардонии дигаргунсозии инфрасохтор” иштирок намуд.

Форуми мазкур дар ҳошияи Конфронси вазирони Ҳамкории иқтисодии минтақавии Осиёи Марказӣ (CAREC) таҳти унвони «25 соли шарикӣ - ояндаро якҷоя ташаккул медиҳем» баргузор гардида, дар он масъалаҳои муҳимми рушди ҳамкориҳои иқтисодии минтақавӣ, таҳкими робитаҳои тиҷоративу сармоягузорӣ, рушди инфрасохтор ва баланд бардоштани самаранокии ҳамкориҳои иқтисодӣ миёни кишварҳои аъзои CAREC мавриди баррасӣ қарор гирифтанд.

Форум барои муаррифии имкониятҳои сармоягузорӣ, пайдо намудани шарикони нав ва густариши ҳамкориҳои мутақобилан судманд заминаи мусоид фароҳам меорад.