Баргузории мизи мудаввар дар мавзӯи «Воситаҳо барои васеъ намудани дастрасии молиявӣ соҳибкорон, занон, ҷавонон ва шахсони имконияташон маҳдуд”

Санаи 29 июли соли 2021, дар Муассисаи давлатии “Ташаккул ва рушди соҳибкории Тоҷикистон” мизи мудаввар дар мавзӯи «Воситаҳо барои васеъ намудани дастрасии молиявӣ соҳибкорон, занон, ҷавонон ва шахсони имконияташон маҳдуд” бо иштироки намояндагони вазорату идораҳо ва бахши хусусӣ баргузор гардид.

Мизи мудаввар дар доираи фаъолияти Гурӯҳи кории доимоамалкунанда оид ба тақвият бахшидан ба рушди соҳибкорӣ байни ҷавонон, занон ва шахсони имконияташон маҳдуди назди Кумитаи давлатии сармоягузорӣ ва идораи амволи давлатӣ, дар ҳамкорӣ бо Бонки Таҷдид ва Рушди Аврупо тариқи маҷозӣ ва ҳузурӣ доир гардид.

Дар чорабинии мазкур намояндаи ташкилотҳои   Ҷамъиятии "Замонат"- Нилуфар Каримова , директори иҷроияи Ташкилоти  қарзии кафолати фонди Тоҷикистон (CGFT)-Гуранда Павлус ва директори амалиётӣ Нафиса Ҷалолова баромад намуданд.

Дар мизи мудаввар масъалаҳо оид ба кафолати қарз, дар бораи натиҷаҳои  ташкилотҳои қарзии замонат ва CGFT, механизмҳои дастгирии занони соҳибкор ва ҷавонон дар гирифтани қарз аз бонкҳо, афзалияти дастгирии занони минтақаҳои дурдаст дар тиҷорати хурду миёна ва дигар масъалаҳо мавриди таҳлилу баррасӣ қарор дода шуданд.

Дар ҷамъбаст иштирокчиён оид ба рушд ва қарздиҳии тиҷорати хурду миёна дар Тоҷикистон саволҳо ва пешниҳодҳои ҷолиб намуданд.