Муаррифии Барномаи мобилии “Соҳибкор”

Санаи 20 августи соли 2021, дар Муассисаи давлатии “Ташаккул ва рушди соҳибкории Тоҷикистон” бо иштироки ассотсиатсияҳои соҳибкорӣ, соҳибкорони навтаъсис ва намоянадгони бахши хусусӣ муаррифии Барномаи мобилии “Соҳибкор” (мобильное приложение) оиди дастгирии фаъолияти соҳибкорӣ баргузор гардид.

Зикр карда шуд, ки барномаи мазкур ҳамчун маҳзани иттилоотии дастгирии давлатии соҳибкорӣ хизмат намуда, истифодабарандагон метавонанд маълумот оид ба санадҳои меъёриву ҳуқукӣ дар самти фаъолияти соҳибкорӣ ва сармоягузорӣ, нақшаи санҷишҳои мақомоти санҷишӣ ва  сохтори Кумитаи давлатии сармоягузорӣ ва идораи амволи давлатӣ тариқи электронӣ   дастрас намоянд. 

Дар анҷом қарор қабул шуд, ки Барномаи мобилии “Соҳибкор” бо таклифу пешниҳодҳои иштирокчиён такмил дода шуда, рӯзҳои наздик дар барномаҳои Play Market ва AppStore  нашр карда шавад.