Баимзорасонии созишномаи сармоягузорӣ байни Ҳукумати Ҷумҳурии Тоҷикистон ва ҷамъияти дорои масъулияти маҳдуди «МАРМАРӢ»

Санаи 24 сентябри соли 2021 дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон маросими баимзорасонии созишномаи сармоягузорӣ байни Ҳукумати Ҷумҳурии Тоҷикистон ва ҷамъияти дорои масъулияти маҳдуди «МАРМАРӢ» оид ба сохтмон ва истифодабарии комплекси агросаноатӣ дар Ҷумҳурии Тоҷикистон баргузор гардид.

Ҷамъияти дорои масъулияти маҳдуди «МАРМАРӢ» бо мақсади парвариши чорвои калони шохдор ва истеҳсоли хӯроки чорво дар ноҳияи Ёвони вилояти Хатлон, инчунин парандапарварӣ дар ноҳияи Данғараи вилояти Хатлон ҷиҳати истеҳсоли гӯшти дорои сифати баланди чорвои калони шохдор ва паранда дар марҳилаи якум ва дар марҳилаи дуюм сохтмон ва истифодабарии маҷмааи парвариши чорвои зотӣ, истеҳсоли тухм ва истеҳсоли ҳасибҳо дар Ҷумҳурии Тоҷикистон бо сармоягузории беш аз 25,0 млн. доллари амрикоӣ ба нақша гирифтааст.

Тибқи нақша дар корхонаи мазкур зиёда аз 90 фоизи кормандо аз ҳисоби шаҳрвандони Ҷумҳурии Тоҷикистон таъмин хоҳанд шуд. 

Татбиқи лоиҳаи мазкур ба амалишавии ҳадафи чоруми миллии стратегӣ дар самти саноатикунонии босуръати кишвар мутобиқ мебошад.