Форуми байналмилалии “Душанбе - Инвест ” - 2021 баргузор мегардад

Бо ташаббуси Мақомоти иҷроияи ҳокимияти давлатии шаҳри Душанбе, санаи 14 октябри соли ҷорӣ дар шаҳри Душанбе баргузории Форуми байналмилалии сармоягузорӣ “Душанбе - Инвест” - 2021 ба нақша гирифта шудааст.

Мақсад аз ташкил ва баргузории чорабинии мазкур, ин ҷалб намудани сармоягузорони дохиливу хориҷӣ барои рушд ва инкишофи бахшҳои иқтисодии кишвар мебошад.

Дар доираи Форум 6 панел дар назар дошта шудааст, ки онҳо оид ба пайдо намудани имкониятҳои сармоягузорӣ дар соҳаҳои  саноат, энергетика, сайёҳӣ, нақлиёт ва рушди содирот равона карда мешаванд. Соҳибкороне, ки барои пайдо намудани сармоя ниёз доранд,  форуми мазкур имконияти хуб ва муфид хоҳад буд. 

Чорабинии мазкур дар доираи эълон гардидани шаҳри Душанбе ҳамчун пойтахти фарҳангии Иттиҳод-2021 гузаронида мешавад.

“Душанбе – Инвэст” - 2021  қадами устувор баҳри рушди Ватани азизу маҳбуб, Тоҷикистони соҳибистиқлол! 

Барои пайдо намудани маълумоти  бештар Шумо метавонед ба рақамҳои 221-29-92 занг занед ва ё аз сомонаи: Dushanbeinvest.com озодона истифода баред.

Маконҳои баргузорӣ: Китобхонаи Миллӣ ва қасри Манеж.