Чорабинии тантанавӣ ба муносибати “Рӯзи Президенти Ҷумҳурии Тоҷикистон”

Имрӯз дар Кумитаи давлатии сармоягузорӣ ва идораи амволи давлатӣ бо иштироки раиси Кумита, муовини якум, муовинони раис, сардорон ва масъулони воҳидҳои сохтории дастгоҳи марказӣ ва роҳбарони ташкилотҳои системаи Кумита бахшида ба “Рӯзи Президенти Ҷумҳурии Тоҷикистон” чорабинии тантанавӣ баргузор карда шуд.

Чорабиниро раиси Кумита Қодирзода Саъдӣ бо сухани ифтитоҳӣ оғоз намуда, қайд намуд, ки бо дарназардошти саҳми арзандаи Пешвои миллат муҳтарам Эмомалӣ Раҳмон дар ташаккули давлатдории навини кишвар, эҳёи давлати миллӣ, таъмини сулҳу ваҳдат ва баланд бардоштани нуфузу эътибори Тоҷикистон дар арсаи байналмилалӣ, ҳамасола ин санаи муҳими таърихӣ ҳамчун ҷашни фархунда, чун рамзи садоқат ба Президент – садоқат ба Ватан таҷлил карда мешавад 

Маврид ба зикр аст, ки аз рӯзи ба даст гирифтани ихтиёри давлатдорӣ  Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тавассути хизматҳои фидокоронаи худ баҳри наҷоти миллату давлати тоҷикон камар баста, дар баробари хомӯш намудани оташи ҷанги дохилӣ барои таҳкими ҳокимият ва давлат шароит муҳайё намуданд ва заминаи сулҳи миллиро матраҳ карда, гурезаҳову муҳоҷирони иҷбориро ба Ватан баргардониданд.

Таҷрибаи сулҳофаринӣ ва давлатдории Президенти Ҷумҳурии Тоҷикистон муҳтарам Эмомалӣ Раҳмон ҳамчун Пешвои маҳбуби точикон дар таҳкими ҳокимияти давлатӣ ва пойдории истиқлолу ваҳдати миллӣ барои мо мактаби бузурги ҳаёт ва сабақи нотакрори давлату давлатдорӣ, марҳилаи ибратомӯзӣ, расидан ба сулҳу ваҳдати миллӣ, қадами ҷиддии рӯ овардан ба нақшаҳои азими офарандагӣ мебошад, ки ҳадафҳои бузурги он бо тақдири наслҳои оянда пайвастааст.

Сипас, оид ба ин ҷашни муҳими сарнавиштсози миллат, сардори сарраёсати сармоягузорӣ ва ҳамоҳангсозии кумаки берунаи Кумита Нуруллозода Изатулло муфассал баромад намуд.

Дар охир Раисикунанда ҳозиринро ба муносибати ин ҷашни фархундасози миллат, яъне “Рӯзи Президенти Ҷумҳурии тоҷикистон” самимона табрик намуда, ба ҳама тансиҳативу хонаободӣ, бахту иқбол, сарбаландӣ ва дар роҳи созандагиву ободкорӣ, таҳкими амнияти миллӣ баҳри шукуфоии Тоҷикистони азиз комёбиҳо орзу намуд.