Созишнома оид ба ҳамкорӣ байни Ҳукумати Ҷумҳурии Тоҷикистон ва Корпоратсияи байналмиллалии молиявӣ

Санаи 11 ноябри соли 2021 дар Кумитаи давлати сармоягузорӣ ва идораи амволи давлатӣ маросими баимзорасонии Созишнома оид ба ҳамкорӣ байни Ҳукумати Ҷумҳурии Тоҷикистон ва Корпоратсияи байналмиллалии молиявӣ баргузор карда шуд.

Мақсад аз баимзорасонии Созишномаи мазкур, беҳтар намудани сатҳи хизматрасонӣ ба сармоягузорон, баланд бардоштани рақобатпазирии бахши хусусӣ дар соҳаҳои сайёҳӣ, саноати нассоҷӣ ва дастрасӣ ба бозор, беҳтар намудани низоми санҷиши фаъолияти субъектҳои хоҷагидор ва иҷозатдиҳиву иҷозатномадиҳӣ, инчунин ҷорӣ намудани низоми электронии хизматрасониҳо барои соҳибкорон (махзани ягона оид ба санҷишҳо ва иҷозату иҷозатномаҳо) мебошад.

Зимни татбиқи Созишнома, Корпоратсияи байналмилалии молиявӣ бо мақомоти соҳавӣ, аз ҷумла Кумитаи давлатии сармоягузорӣ ва идораи амволи давлатӣ, Вазорати саноат ва технологияҳои нав ва Кумитаи рушди сайёҳӣ дар соҳаҳои сайёҳӣ, саноати нассоҷӣ ва дастрасӣ ба бозор, беҳтар намудани низоми санҷиши фаъолияти субъектҳои хоҷагидор ва иҷозатдиҳиву иҷозатномадиҳӣ, инчунин ҷорӣ намудани низоми электронии хизматрасониҳо барои соҳибкорон (махзани ягона оид ба санҷишҳо ва иҷозату иҷозатномаҳо) мунтазам ҳамкорӣ менамояд.