Русский
English
132 Санаи 28 октябри соли 2021 дар Кумитаи давлатии сармоягузорӣ ва идораи амволи давлатӣ мулоқоти раиси Кумита Қодирзода Саъдӣ Сангинмурод бо Сафири Фавқулода ва Мухтори Италия дар Ҷумҳурии Тоҷикистон (бо қароргоҳ дар шаҳри Тошканд) ҷаноби Агостино Пинна ва Мартино Кастелланӣ – Директори Агентии савдои Италия баргузор гардид. 
Дар рафти мулоқот аз ҷониби раиси Кумита Қодирзода Саъдӣ ба иштирокдорони ҷаласа вобаста ба имкониятҳо ва лоиҳаҳои афзалиятноки сармоягузорӣ, инчунин самтҳои эҳтимолии ҳамкорӣ бо доираҳои соҳибкории Италия иттилоъ дода шуд.
Зарур шуморида шуд, ки бо мақсади шиносоии доираҳои сармоягузории Италия бо имкониятҳои сармоягузории Ҷумҳурии Тоҷикистон дар оянда ҳамоишу мулоқотҳои дуҷониба мунтазам доир карда шавад.
Дар рафти мулоқот, ҷонибҳо ҷиҳати дар семоҳаи якуми 2022 барои доираҳои сармоягузории Италия баргузор намудани чорабинӣ вобаста ба муаррифии имкониятҳои Тоҷикистон ба мувофиқа расиданд.
Дар маҷмӯъ, вохӯрӣ дар фазои ҳамдигарфаҳмӣ ва ҳусни тафоҳум доир гардида, байни ҷонибҳо мубоҳисаи хубу доманадор барои дарёфти роҳҳои нави ҳамкории тиҷоратию иқтисодӣ ва сармоягузорӣ сурат гирифт