Парчами давлатӣ мояи ифтихори ҳар як шаҳрванди Тоҷикистон мебошад

Имрӯз дар Кумитаи давлатии сармоягузорӣ ва идораи амволи давлатӣ бо иштироки раиси Кумита, муовинони раис, сардорон ва масъулони воҳидҳои сохтории дастгоҳи марказӣ ва роҳбарони ташкилотҳои системаи Кумита бахшида ба “Рӯзи Парчами давлатии Ҷумҳурии Тоҷикистон” чорабинӣ баргузор гардид.

Чорабиниро раиси Кумита Қодирзода Саъдӣ бо сухани ифтитоҳӣ оғоз карда, ҳозиринро ба ин рӯзи муҳиму идона самимона  табрик намуд. 

Қайд карда шуд, ки Парчами давлатӣ мояи ифтихори ҳар як шаҳрванди Тоҷикистон, ифодагари иттиҳоду сарҷамъӣ, нангу номус, ватандустӣ ва ҳувияти миллии мардуми фарҳангии мо буда, мақсаду мароми созандаи Тоҷикистонро дар ҷилои рангҳои худ инъикос намудааст.

Чӣ тавре, ки Асосгузори сулҳу ваҳдати миллӣ, Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон қайд карданд, “Мардуми Тоҷикистон ва ҷавонмардони ғаюру далери он зери Парчами миллат ба ҳам омаданд, ба ҷанги шаҳрвандӣ хотима бахшиданд, ба кишвар сулҳу оромӣ ва ба сокинони мамлакат осоишро фароҳам оварданд. Давлат ба шоҳроҳи дигаргуниҳои азими сиёсиву иҷтимоӣ ва бунёдкориву созандагӣ қадамҳои нахустини устувор гузошт”.

Дар ҷаҳони муосир доштани Парчами миллӣ нишони истиклолият, яке аз рамзҳои асосии давлатдорӣ ва ваҳдати миллӣ мебошад, яъне давлати муосир тавассути парчами он муаррифӣ мегардад.

Парчами миллӣ рамзи гиромӣ доштани муқаддасоти миллати соҳибмаърифат, нишонаи муборизаву ҷоннисориҳои халқи тоҷик барои озодиву истиқлол, илҳомбахши кору фаъолияти фидокоронаи фарзандони содиқи миллат ва ҳидоятгару раҳнамои мардуми кишварамон ба сӯи сарсабзиву шукуфоӣ ва зиндагии пурсаодат мебошад.

Имрӯз моро мебояд, ки аз парчами миллии худ ифтихори тамом дошта бошем, эҳтироми онро ҳамчун нишонаи давлатдории миллӣ, озодӣ ва истиқлолияти Ватан, чун сарвати гаронбаҳои умумимиллӣ ба ҷо орем, қадру манзалат ва нақшу эътибори онро ба фарзандҳои худ ва ҷавонону наврасон талқин намоем.

Сипас, вобаста ба ин ҷашни муҳим сармутахассиси шуъбаи маҷмӯӣ ва иттилоот Каримзода Бахтибек муфассал баромад намуд.

Дар охир раиси Кумита Қодирзода Саъдӣ аз маърӯзаи баромадкунанда натиҷагирӣ намуда, бори дигар ҳозиринро ба ин Рӯзи Парчами давлатии Ҷумҳурии Тоҷикистон, ки мояи ифтихори халқи соҳибдавлати тоҷик мебошад, табрик намуда, ба иштирокдорон саломатӣ ва дар корҳои ояндаашон бурдборӣ орзӯ намуд.