Конфронси илмӣ-амалӣ дар мавзӯи «Масъалаҳои назариявӣ ва амалии самоягузории дохилӣ»

Санаи 24 декабри соли 2021 бо ташаббуси Кумитаи давлатии сармоягузорӣ ва идораи амволи давлатӣ дар ҳамкорӣ бо вазорату идораҳои дахлдор конфронси илмӣ-амалӣ дар мавзӯи «Масъалаҳои назариявӣ ва амалии самоягузории дохилӣ»  баргузор гардид.

Чорабинӣ бо сухани ифтитоҳии муовини якуми раиси Кумитаи давлатии сармоягузорӣ ва идораи амволи давлатӣ Файзуллозода Хуршед Мирзо ва вакили Маҷлиси намояндагони Маҷлиси Олии Ҷумҳурии Тоҷикистон Ашурзода Ғиёсиддин Маҳмурод оғоз гардид.

Дар чорабинӣ инчунин намояндагони Суди Олии Иқтисодии Тоҷикистон, Вазорати рушди иқтисод ва савдо, Кумитаи андоз, Агентии омор, Хадамоти гумрук, Бонки миллии Тоҷикистон, Академияи идоракунии давлатии назди Президенти Ҷумҳурии Тоҷикистон, Донишгоҳи миллии Тоҷикистон, Донишгоҳи славянии Тоҷикистону Россия, Донишгоҳи давлатии тиҷоратии Тоҷикистон ва Донишгоҳи давлатии молия ва иқтисоди Тоҷикистон вазъи воқеии сармоягузориро мавриди муҳокима қарор дода, вобаста ба масъалаҳои ҷойдошта ибрози ақида намуданд.

Дар фарҷоми чорабинӣ, таклифҳои мушаххас оид ба такмил додани заминаи ҳуқуқӣ ва тартиби пешниҳоди хизматрасониҳо дар бахши сармоягузорӣ ҷиҳати рушди минбаъдаи самти мазкур пешниҳод гардиданд.