Семинари омӯзишӣ оид ба таҳияи меъёрҳои арзёбии дараҷаи таваккал барои шахсони мансабдори мақомоти санҷишӣ

Аз 17 то 28 декабри соли 2021 Кумитаи давлатии сармоягузорӣ ва идораи амволи давлатӣ якҷо бо корпоратсияи байналмилалии молиявӣ семинарҳои омӯзиширо оид ба таҳияи методологияи дурусти меъёрҳои арзёбии дараҷаи таваккал вобаста ба нақшаҳои солонаи гузаронидани санҷиш гузаронида шуд. Семинарҳои омӯзиши дар асоси муроҷиати мақомоти санҷишие, ки дар таҳияи нақшаи гузаронидани санҷиш ба мушкилот рӯ ба рӯ мегардиданд, гузаронида шуд.

Давраи якуми семинар бо мақомоти пилотие, ки дар Ҷумҳурии Тоҷикистон интихоб шудаанд, ҷиҳати ворид намудани ба системаи электронии хизматрасонӣ барои соҳибкорону сармоягузорон дар Ҷумҳурии Тоҷикистон, ки дар худ портали электронӣ ва аз 3 модели асосӣ аз ҷумла системаи идоракунии санҷишҳоро дар бар мегирад, гузаронида шуд. Мақомоти пилотӣ ин Хадамоти давлатии назорат ва танзим дар соҳаи нақлиёт, Хадамоти назорати давлатии санитарию эпидемиологии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Хадамоти давлатӣ оид ба назорат дар соҳаи энергетикаи Вазорати энергетика ва захираҳои оби Ҷумҳурии Тоҷикистон, Кумитаи ҳифзи муҳити зисти назди Ҳукумати Ҷумҳурии Тоҷикистон ва Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон мебошад.

Ҳама семинарҳо барои ҳар як мақомоти санҷишӣ дар шаҳри Душанбе ва вилоятҳои Суғду Хатлон  омода ва гузаронида шуданд.

Семинарҳои омӯзишӣ аз ҷониби коршиносони Корпоратсияи байналмилалии молиявӣ ҷаноби Гидриус Кадзиаускас ва хонум Гордана Ристист, ки дар таҳияи методологияи меъёрҳои арзёбии дараҷаи таваккал ва татбиқи онҳо дар бисёр кишварҳои дунё ширкат варзидаанд ва дар ин самт таҷрибаи бой доранд омода ва гузаронида шуд.

Дар рафти семинарҳо коршиносон мафҳум ва муҳтавои таҳияи меъёрҳои арзёбии дараҷаи таваккал, ки дар таҳияи нақшаи гузаронидани санҷиши фаъолияти субъектҳои хоҷагидор таъсири калон мерасонад инчунин мақсад аз 10 % дараҷаи баланде, ки дар Қонуни Ҷумҳурии Тоҷикистон “Дар бораи санҷиши фаъолияти субъектҳои хоҷагидор” пешбинӣ гардидааст ва чи гуна ба категорияҳо ҷудо намудани он ҳамзамон методикаи баҳогузории ҳар як категория нишон дода шуд.

Семинарҳои сесоатае, ки ҳам илмӣ ва ҳам назариявӣ буданд, ба намояндагони мақомоти санҷишӣ кӯмак намуд, ки ба чӣ бояд нигоҳи худро ҳангоми муайян намудани меъёрҳои арзёбии дараҷаи таваккал равона намуд. Натиҷаи семинарҳои гузаронидашуда ба он оварда расонид, ки намояндагони мақомоти санҷишӣ дуруст дарк намуданд, ки то чӣ анзода муайян намудани меъёрҳои арзёбии дараҷаи таваккал ба кам намудани шумораи санҷишҳои банақшагирифташудае, ки дар дараҷаи миёна ва паст қарор доранд, таъсир мерасонад ва бояд ба он субъектҳое, ки дараҷаи таваккалнокиашон баланд аст таваҷҷуҳи хосса зоҳир намоянд.