Мулоқоти Раиси Кумитаи давлатии сармоягузорӣ ва идораи амволи давлатӣ бо Сафири Фавқулодда ва Мухтори Шоҳигарии Арабистони Саудӣ дар Ҷумҳурии Тоҷикистон

Санаи 9 феврали соли 2022 дар Кумитаи давлатии сармоягузорӣ ва идораи амволи давлатӣ мулоқоти раиси Кумита Қодирзода Саъдӣ бо Сафири Фавқулодда ва Мухтори Шоҳигарии Арабистони Саудӣ дар Ҷумҳурии Тоҷикистон Валид ибн Абдурраҳмон ар-Решайдон баргузор гардид.

         Дар вохурӣ рафти омодагиҳо ҷиҳати баргузори ҷаласаи сеюми Комиссияи муштараки байниҳукуматии Ҷумҳурии Тоҷикистон ва Шоҳигарии Арабистони Саудӣ оид ба ҳамкории  иқтисодӣ, тиҷоратӣ, сармоягузорӣ, техникӣ ва фарҳангӣ ва Форуми сармоягузории Тоҷикистону Арабистони Саудӣ, инчунин тақвияти ҳамкориҳо дар самти афзоиш додани гардиши савдо ва ҷалби сармояи мустақим барои татбиқи лоиҳаҳои афзалиятноки сармоягузорӣ мавриди баррасии ҷонибҳо қарор гирифт.

Дар маҷмӯъ, вохӯрӣ дар фазои созанда ва ҳусни тафоҳум баргузор гардид.