Мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо Дабири кулли Созмони ҳамкории Шанхай Владимир Норов

Санаи 17 майи соли 2019 дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон мулоқоти Раиси Кумита муҳтарам Ҳамрализода Фаррух Маҳмуд бо Дабири кулли Созмони ҳамкории Шанхай муҳтарам Владимир Норов баргузор гардид.

Дар рафти вохурӣ масъалаҳои иқтисодию тиҷоратӣ ва сармоягузорӣ, инчунин вобаста ба тақвияти ҳамкориҳо бо давлатҳои аъзои Созмони ҳамкории Шанхай дар мавриди афзоиши гардиши савдо мавриди баррасӣ қарор дода шуданд.

Ҳамчунин, таъсиси хатсайрҳои нақлиётӣ-логистикии пайвасткунандаи Осиёи Марказӣ бо Хитой, васеъ муаррифӣ намудани имкониятҳои сармоягузории Тоҷикистон дар рушди ҳамкориҳои тиҷоратию иқтисодӣ бо давлатҳои аъзои Созмони ҳамкории Шанхай муҳим арзёбӣ карда шуд.