Русский
English
878 Санаи 23 апрели соли 2019 дар толори хурди Кумитаи давлатии сармоягузорӣ ва идораи амволи давлатӣ вохӯрии муовини Раиси Кумита Анварӣ Нигина бо Раиси Шӯрои мудирони ширкати “Шивер”- Фаронса ҷаноби Ҷенсен Пик баргузор гардид.
Аз ҷониби муовини Раиси Кумита давлатии сармоягузорӣ ва идораи амволи давлатӣ имкониятҳои сармоягузории кишвар бо фарогарии заминаи мусоиди меъёрии ҳуқуқӣ, фазои муносиби пешбурди фаъолияти сармоягузорӣ, имтиёзҳо ва кафолатҳои тибқи қонунгузорӣ ба сармоягузорон пешбинишуда, раванди идома ёфтани таъсисёбии инфрасохтори дастгирии соҳибкорӣ, аз ҷумла бизнес-инкубаторҳо муаррифӣ гардида, ҷониби ширкатро барои тавсеаи фаъолият бо истифода аз муҳити мусоид даъват намуданд.
Раиси Шӯрои мудирони ширкати “Шивер” вобаста ба беҳтаршавии фазои пешбурди фаъолият дар Ҷумҳурии Тоҷикистон ибрози ақида намуда, изҳор дошт, ки татбиқшавии тадбирҳои ислоҳотӣ барои ин ширкат ҷиҳати васеъ намудани фаъолияти сармоягузорӣ тавассути бунёди марказҳои савдои ҳамто имконият медиҳад.
Ҳамзамон, қайд намуд, ки барои татбиқи лоиҳаҳои дигари сармоягузории ҷолиби таваҷҷуҳ ширкати “Шивер” имконият дорад дар онҳо саҳмгузор бошад.