Баргузории озмуни “Стартап- Чойхона” дар шаҳри Панҷакент

Муассисаи Давлатии “Ташаккул ва рушди соҳибкории Тоҷикистон” дар якҷоягӣ бо Барномаи Рушди Созмони Миллали Муттахид “Барномаи Рушди соҳибкорӣ дар маҳал” миёни соҳибкорони навтаъсис ва ҷавонон дар шаҳри Панҷакент аз санаи 17 то 19-уми соли 2019 тренингҳои омӯзишро баргузор намуд.

Мақсад аз баргузории озмуни “Стартап-Чойхона” фаъолсозии ҷавононе, ки барои ташкили тиҷорати худ кӯшиш намуда истодаанд ва барои  рушди тиҷорати ҷавонони Тоҷикистон ҷойҳои нави корӣ фароҳам меоранд, маҳсуб меёбад.

Дар озмун аз ҷониби намояндаи ноҳияи Кӯҳистони Мастчоҳ Ҷумъаева Муниса муаррифномаҳо оид ба лоиҳаи бизнеси маркази хизматрасонии компютерӣ, аз ҷониби намояндаи ноҳияи Айнӣ Идибоев Афзалшо оиди лоиҳаи бизнеси маркази хизматрасонии телефонҳои мобилӣ ва Бобоева Шамсия намоянда аз шаҳри Панҷакет оиди бизнес-лоиҳаи маркази таълимӣ ва фароғатии кӯдакон баромад намуда, тавассути рӯнамо ба ҳозирин муаррифӣ карда шуданд. 

Ҳамзамон, аз ҷониби иштирокчиёни фаъоли чорабинӣ идеяҳои гуногуни соҳибкори, аз тиҷорати хурд то васеъ кардани тиҷорати калон ба аъзои доварон пешниҳод карда шуд.      Вобаста ба ин, аз ҷониби доварон қайд карда шуд, ки пешниҳоди идеяи воқеии соҳибкорӣ ва хоҳиши машғул шудан ба фаъолияти соҳибкорӣ муҳим ва боиси дастгирӣ мебошад.

Санаи 26-уми сентябри соли ҷорӣ озмуни “Стартап-Чойхона” ҷамъбаст гардид, ки дар маҷмӯъ 19 нафар соҳибкорони навтаъсис ва 40 нафар донишҷӯёни Колеҷи технология ва инноватсияи шаҳри Панҷакент иштирок карданд. 

Дар ҷамъбасти озмун барои пешниҳод ва муррифии лоиҳаҳои беҳтарини тиҷоратӣ Ҷумъаева Муниса, Идибоев Афзалшо ва Бобоева Шамсия ғолиби озмун дониста шуда, аз тарафи Барномаи Рушди СММ дар Тоҷикистон бо ноутбукҳо қадрдонӣ карда шуданд.