Баргузории маросими ба имзорасонии Созишномаи сармоягузорӣ байни ширкати «Шивер Гурӯҳ» ва Бонки аврупоии таҷдид ва рушд

Имрӯз дар бинои Кумитаи давлатии сармоягузорӣ ва идораи амволи давлатии Ҷумҳурии Тоҷикистон Созишномаи сармоягузорӣ байни ширкати «Shiver Group» ва Бонки Аврупоии таҷдид ва рушд ба маблағи 10 миллион Евро ба имзо расид.

Сармоягузории муштараки ширкати «Shiver Group» ва БАТР ба рушди занҷираи чаканаи супермаркетҳои Би1 равона карда мешаванд, ки ба кушодашавии  мағозаҳои нав дар саросари кишвар мусоидат менамояд.

Ҳадафи сармоягузории муштарак беҳтар намудани стандартҳои чакана барои муштариён мебошад.

Ба туфайли сармоягузории ширкати «Shiver Group» ва БАТР дар натиҷаи васеъ шудани шабакаи супермаркетҳои Би1 дар саросари кишвар харидорон ба стандартҳои беҳтари чаканафурушӣ дастрасӣ пайдо мекунанд.

Дӯконҳо ва нуқтаҳои фурӯши нав, ки таҳти бренди Би1 фаъолият мекунанд, маҳсулоти хӯрока, гигиена ва логистикиро ба мизоҷон бо нархи муносиб ва бо сифати баланди стандартӣ пешниҳод мекунанд.

БАТР ба сармояи ширкати «Шивер Тоҷикистон», ки соҳиби занҷираи гипермаркетҳои таҳти бренди "Ашан" мебошад, 3,5 миллион евро маблағгузорӣ менамояд.

БАТР, ки 34% саҳмияҳои ширкати «Шивер Тоҷикистон»-ро дорост, аз соли 2015 бо ширкати «Shiver Group» дар Фаронса ҳамкориро ба роҳ мондааст. Чунин ҳамкорӣ ба беҳтар шудани стандартҳои чакана дар кишвар мусоидат мекунад. 

Дар навбати худ аз ҷониби ширкати «Shiver Group» барои амалисозии барнома барои тавсеаи шабака 6,5 миллион Евро маблағгузорӣ карда мешавад.