Оид ба вохӯрӣ бо намояндаи Бонки Осиёи Рушд

Санаи 3 марти соли 2020 вохӯрии Раиси Кумитаи давлатии сармоягузорӣ ва идораи амволи давлатӣ бо миссияи  Бонки Осиёгии Рушд оид ба баргузории шарҳи рафти татбиқи лоиҳаҳои муштараки сармоягузории БОР ва Ҳукумати Ҷумҳурии Тоҷикистон дар соли 2019, таҳти роҳбарии сардори шуъбаи маъмурияти лоиҳаҳои БОР дар Тоҷикистон ҷаноби Фаррух Раза баргузор гардид.

Иттилоъ дода шуд, мақсади асосии баргузории Шарҳи муштараки лоиҳаҳо баррасӣ ва таҳлили раванди татбиқи лоиҳаҳои муштараки сармоягузорӣ, арзёбии самаранокии фаъолияти агентиҳои амаликунандаи лоиҳаҳо, мониторинги натиҷаҳои фаъолият аз рӯи бахшҳо, муайян намудан ва ҳалли мушкилоте, ки ба амалишавии лоиҳаҳо таъсири манфӣ мерасонанд, баррасии рафти иҷрои нақшаҳои амалии дар ҷаласаҳои қаблӣ мувофиқагардида, таҳия ва тасдиқи нақшаҳои амалии нав оид ба беҳтар намудани раванди татбиқ ва азхудкунии маблағҳои лоиҳаҳо, ба ҳисоб меравад.

Чорабинии мазкур аз санаи  3 то 10 март идома ёфта, санаҳои 3 – 5 март ҷаласаҳои алоҳидаи соҳавӣ ва санаи 10 март ҷаласаи умумӣ (ҷамъбастӣ) бо иштироки тамоми агентиҳои иҷроия ва амаликунанда, инчунин мақомоти дахлдор баргузор карда мешавад.

Ҳамчунин ҷонибҳо доир ба густариши ҳамкориҳои минбаъдаи Ҳукумати Ҷумҳурии Тоҷикистон ва Бонки Осиёгии Рушд афкори судманд анҷом доданд.