Видеоконфронс бо Департаменти суғуртакунонии қарзҳои содиротии Британияи Кабир ҷиҳати маблағгузории лоиҳаҳои сармоягузорӣ дар Ҷумҳурии Тоҷикистон

Санаи 8 сентябри соли ҷорӣ аз ҷониби Кумитаи давлатии сармоягузорӣ ва идораи амволи давлатӣ дар ҳамкорӣ ба Сафорати Ҷумҳурии Тоҷикистон дар Британияи Кабир бо ҷалби масъулини вазорату идораҳои дахлдори кишвар бо Департаменти суғуртакунонии қарзҳои содиротии Британияи Кабир ҷиҳати маблағгузории лоиҳаҳои сармоягузорӣ дар Ҷумҳурии Тоҷикистон видеоконфронс доир карда шуд.

Зимни баргузории чорабинӣ аз ҷониби Кумитаи давлатии сармоягузорӣ ва идораи амволи давлатӣ  ба масъулини Департаменти суғуртакунонии қарзҳои содиротии Британияи Кабир рӯнамо оид ба имкониятҳои сармоягузории Ҷумҳурии Тоҷикистон пешниҳод карда шуд.

Дар ҷараёни мулоқот бо намояндагони Департаменти суғуртакунонии қарзҳои содиротии Британияи Кабир, лоиҳаҳои сармоягузории инфрасохторӣ ва иҷтимоӣ васеъ муаррифӣ карда шуда, аз ҷониби британӣ барои иштирок дар лоиҳаҳои сармоягузории афзалиятноки ҷумҳурӣ даъват ба амал оварда шуд.

Дар маҷмӯъ, видеоконфронс дар фазои ҳамдигарфаҳмӣ ва ҳусни тафоҳум доир гардида, байни ҷонибҳо мубоҳисаи хубу доманадор барои дарёфти роҳҳои нави ҳамкории тиҷоратию иқтисодӣ сурат гирифт.