Маросими баимзорасонии санади ҳамкорӣ байни ҶСП «СЭК ПАМИР» ва Ассотсиатсияи “KOSHUMA”-и Ҷумҳурии Корея

Санаи 17 декабри соли ҷорӣ дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон байни ширкати ватании ҶСП «СЭК ПАМИР» ва Ассотсиатсияи “Korean Smart Technology Association”-и Ҷумҳурии Корея Ёддошти ҳусни тафоҳум оид ба ҳамкорӣ дар самти сармоягузорӣ ба имзо расонида шуд.

Дар назар аст, ки дар заминаи Ёддошти ҳусни тафоҳуми мазкур ҷонибҳо бо ҷалби сармоя кореягӣ ҷиҳати татбиқи лоиҳаҳои муштараки сармоягузорӣ дар соҳаҳои сохтмон, саноат, энергетика ва технологияҳои иттилоотӣ ва коммуникатсионӣ ҳамкории судмандро ба роҳ мемонанд.

Дар маҷмӯъ, чорабинии мазкур дар фазои ҳамдигарфаҳмӣ ва ҳусни тафоҳум доир гардида, байни ҷонибҳо мубоҳисаи хубу доманадор барои дарёфти роҳҳои нави ҳамкории тиҷоратию иқтисодӣ сурат гирифт.