Ҷаласаи ташкилоти ибтидоии ҳизбии «Амвол»-и Ҳизби Халқии Демократии Тоҷикистон дар ноҳияи Исмоили Сомонӣ оид ба натиҷаҳои фаъолият дар соли 2020

Санаи 20 январи соли 2021 дар Кумитаи давлатии сармоягузорӣ ва идораи амволи давлатӣ тибқи ҷадвали баргузории маҷлисҳои умумии Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ аз 5.01.2021, маҷлиси ҳисоботии ташкилоти ибтидоии ҳизбии “Амвол” оид ба ҷамъбасти фаъолият дар соли 2020 баргузор гардид.

Дар чорабинии мазкур Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Қодирзода Саъдӣ Сангинмурод, Роҳбарият ва кормандони Кумита-аъзоёни ташкилоти ибтидоии ҳизбии “Амвол”, Раиси Кумитаи иҷроияи Ҳизби Халқии Демократии Тоҷикистон дар шахри Душанбе ва   намояндагони Кумитаи иҷроияи ҳизб дар ноҳияи Исмоили Сомонӣ иштирок намуданд.

Тибқи рӯзномаи ҷаласа дар он 3 масъала аз ҷумла, ҳисобот оид ба натиҷаҳои фаъолияти ташкилоти ибтидоии ҳизбии «Амвол» дар соли 2020, тасдиқи Нақшаи кории ташкилоти ибтидоии ҳизбии «Амвол» дар  соли 2021 ва ивази Раиси ташкилоти ибтидоии ҳизбии “Амвол” баррасӣ ва қарорҳои дахлдори Ташкилот тасдиқ карда шуд.