Видеоконфронс бо Ассотсиатсияи соҳибкорони Ҷопон “ROTOBO”

Санаи 18 феврали соли 2021 бо иштикори масъулини Кумитаи давлатии сармоягузорӣ ва идораи амволи давлатӣ бо Ассотсиатсияи соҳибкорони Ҷопон “ROTOBO” дар шакли маҷозӣ вохурӣ баргузор карда шуд.

Дар видеоконфронси мазкур роҳбарияти Кумитаи давлатии сармоягузорӣ ва идораи амволи давлат,  Сафири Фавқулодда ва Мухтори Ҷумҳурии Тоҷикистон дар Ҷопон мӯҳтарам Ҷалолов Мирзошариф, роҳбарияти ширкати ҶСП “Аввалин” ва беш аз 30 аъзоёни ROTOBO, ширкатҳои бонуфузи сатҳи ҷаҳонӣ, аз он ҷумла ITOCHU Corporation, Japan International Cooperation Agency, Mitsubishi Corporation, OTOWA ELECTRIC, Relo Panasonic Excel International ва ғайраҳо иштирок намудаанд.

Зимни чорабинӣ аз ҷониби масъулини Кумитаи давлатии сармоягузорӣ ва идораи амволи давлатӣ барои соҳибкорону сармоягузорони Ҷопон рӯнамо оид ба имкониятҳои сармоягузории Ҷумҳурии Тоҷикистон пешниҳод карда шуда, аз доираҳои соҳибкорону сармоягузорони ҷопонӣ барои иштирок дар лоиҳаҳои сармоягузории афзалиятноки ҷумҳурӣ даъват ба амал оварда шуд.

Дар маҷмӯъ, видеоконфронс дар фазои ҳамдигарфаҳмӣ ва ҳусни тафоҳум доир гардида, байни ҷонибҳо мубоҳисаи хубу доманадор барои дарёфти роҳҳои нави ҳамкории тиҷоратию иқтисодӣ ва сармоягузорӣ сурат гирифт.