Мулоқоти Раиси Кумитаи давлатии сармоягузорӣ ва идораи амволи давлатӣ бо Роҳбари намояндагии Созмони озуқаворӣ ва кишоварзии СММ дар Тоҷикистон.

Санаи 10 феврали соли 2021 дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон вохӯрии Раиси Кумита муҳтарам Қодирзода Саъдӣ бо Роҳбари Намояндагии созмони озуқаворӣ ва кишоварзии СММ дар Тоҷикистон ҷаноби Гучгелдиев Олег баргузор гардид.

Зимни вохӯрӣ ҷонибҳо ҷиҳати тақвияти ҳамкориҳо байни Кумита ва Созмони озуқаворӣ ва кишоварзии  СММ дар Тоҷикистон дар самти ҷалби воситаҳои грантӣ барои амалисозии лоиҳаои афзалиятноки Ҳукумати Ҷумҳурии Тоҷикистон роҷеъ ба масъалаҳои таъмини амнияти озуқаворӣ дар кишвар мубодилаи афкор намудаанд.

Ҳамзамон роҳбарияти Намояндагӣ оид ба маҷмӯи лоиҳаҳои дар кишвар аз ҷониби Созмони озуқаворӣ ва кишоварзии  СММ дар Тоҷикистон татбиқшаванда маълумоти мухтассар манзур карда шуд.

Дар маҷмӯъ, вохӯрии болозикр дар фазои ҳамдигарфаҳмӣ қарор гирифтанд.