Форуми сармоягузории кишварҳои Осиёи Марказӣ зери унвони “Эҷоди пулҳо барои рушди устувор”

1 декабри 2022 ҳайати расмии Ҷумҳурии Тоҷикистон таҳти роҳбарии Муовини якуми Сарвазири Ҷумҳурии Тоҷикистон   муҳтарам Давлаталӣ Саид дар Форуми сармоягузории Осиёи Марказӣ зери унвони “Эҷоди пулҳо барои рушди устувор” дар Токио, Япония ширкат намуд. 

Форуми сармоягузории кишварҳои Осиёи Марказӣ (CAIF) бо ибтикори Бонки Аврупоии таҷдид ва рушд, Ҳукумати Япония, Бонки ҳамкориҳои байналмилалии Япония, Агентии Япония оид ба ҳамкориҳои байналмилӣ ва шарикони мизбон ташкил карда шудааст.

Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон муҳтарам Қодирзода Саъди дар ҷаласаи панелӣ дар мавзӯъи « Энергияи тоза дар Осиёи Марказӣ» иштирок карда, дар бораи ислоҳотҳои Ҳукумати мамлакат дар самти энергетика ва фазои сармоягузорӣ дар ин самт суханронӣ намуданд.

Дар қатори ҳайати расмӣ, инчунин шуморе аз соҳибкорони ватанӣ, ки дар форум ширкат доштанд, дар ҳошияи он бо ҳамтоёни японии худ гуфтушунидҳои корӣ баргузор намуданд.