Мулоқоти роҳбарияти Кумитаи давлатии сармоягузорӣ ва идораи амволи давлатӣ бо намояндагони Туркия

Санаи 19 майи соли 2022 дар Кумитаи давлатии сармоягузорӣ ва идораи амволи давлатӣ мулоқоти раиси Кумита Қодирзода Саъдӣ ва ҳайати расмии Ҷумҳурии Туркиё таҳти роҳбарии муовини Вазири саноат ва технологияи Ҷумҳурии Туркия Доктор Четин Алӣ Дюнмез баргузор гардид.

Зимни вохӯрӣ аз ҷониби Роҳбарияти Кумита, доир ба имкониятҳои сармоягузории мамлакат, қонунгузорӣ, имтиёзҳо ва соҳаҳои афзалиятноки ҳамкориҳои дуҷонибаи иқтисодию тиҷоратӣ, густариши тиҷорат ва гуногунсозии ғуфра ва мизонҳои нави ҳамкорӣ, инчунин таъсиси корхонаҳои муштарак мавриди баррасии ҷонибҳо қарор гирифт.

Ҳамзамон, ҷиҳати таҳким ва густариши ҳамкориҳои минбаъда аз ҷониби Кумита барои татбиқи лоиҳаҳои сармоягузорӣ дар соҳаи сайёҳӣ, саноат, аз ҷумла саноати коркарди сабук, сохтмон ва дигар самтҳои авлавиятноки кишвар муаррифӣ карда шуд.

Дар рафти вохӯрӣ, байни Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Ташкилот оид ба рушди соҳибкории хурду минёнаи Ҷумҳурии Туркиё дар чаҳорчуб Ёддошти тафоҳум оид ҳамдигарфаҳмӣ ҷонибҳо нақшаи кории минбаъда вобаста ба татбиқи ҳамкориҳои муштараки рушди соҳибкории хурду миёнаро дар ҳарду кишвар ба имзо расониданд.

Дар интиҳо қайд карда шуд, ки дар шароити имрӯза баргузор намудани вохӯриҳо муҳим арзёбӣ мегардад ва дар назар аст, ки дар ояндаи наздик силсилавохуриҳои маҷозӣ аз рӯи соҳаҳо байни бахши хусусии ду кишвар ташкил карда шаванд.

Дар маҷмуъ, чорабинии мазкур дар фазои ҳамдигарфаҳмӣ ва ҳусни тафоҳум доир гардида, байни ҷонибҳо мубоҳисаи хубу доманадор барои дарёфти роҳҳои нави ҳамкории тиҷоратию иқтисодӣ, сармоягузорӣ  сурат гирифт.