Мулоқоти раиси Кумита бо сафири фавқулода ва мухтори Ҷумҳурии Корея дар Ҷумҳурии Тоҷикистон

Санаи 7 марти соли 2023 вохӯрии раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Қодирзода Саъдӣ бо сафири фавқулода ва мухтори Ҷумҳурии Корея дар Ҷумҳурии Тоҷикистон Квон Донгсон баргузор гардид.

Зимни вохӯрӣ ҷонибҳо оид ба вазъи кунунӣ ва дурнамои рушди муносибатҳои дуҷонибаи сармоягузорӣ, масъалаҳои дарёфти самтҳои нави ҳамкории тиҷоратию иқтисодӣ ва сармоягузории Тоҷикистону Ҷумҳурии Корея табодули назар карданд.

Дар маҷмуъ, мулоқоти мазкур дар фазои ҳамдигарфаҳмӣ ва ҳусни тафоҳум доир гардид.