Мизи мудаввар бо доираҳои тиҷоратии Ҷумҳурии Тоҷикистон ва Ҷумҳурии Мардумии Чин.

Дар ҳошияи ҷаласаи дуюми Гуруҳи корӣ оид ба ҳамкориҳои сармоягузорӣ байни Ҷумҳурии Тоҷикистон ва Ҷумҳурии Мардумии Чин   дар шаҳри Душанбе дар ҳамкорӣ бо Палатаи савдо оид ба содирот ва воридоти маҳсулоти мошинсозию энергетикии Хитой мизи мудаввар бо доираи тиҷоратии ҷонибҳо дар самти сохтмон ва энергетика баргузор гардид.

Дар чорабинӣ роҳбарият ва масъулини Кумитаи давлатии сармоягузорӣ ва идораи амволи давлатӣ, намояндагони вазорату идораҳои ҷонибҳо ва доираи тиҷоратии Тоҷикистону Чин  иштирок намуданд.

Чорабинӣ бо сухани ифтитоҳии роҳбарияти Кумитаи давлатии сармоягузорӣ ва идораи амволи давлатӣ оғоз гардида, дар он намояндагони вазорату идораҳо ва бахши хусусии ҳардуҷониб суханронӣ намуданд. Дар ин раванд иштирокчиён вобаста ба фазои соҳибкориву сармоягузорӣ, имкониятҳои сармоягузорӣ дар соҳаҳои энергетика, сохтмон ва бонкӣ маълумот дарёфт намуда, ҷиҳати роҳандозӣ ва тавсеа коршарикӣ бо ҳамтоёни тоҷикистонӣ изҳори ҳавасмандӣ зоҳир карданд.

Дар фарҷом аз иштирокчиёни мизи мудаввар даъват ба амал оварда шуд, ки дар амалишавии лоиҳаҳои сармоягузорӣ ва тиҷоратӣ саҳм гузошта, барои ташкили корхонаҳои муштарак таваҷҷӯҳ зоҳир намоянд.