Ҷаласаи ҳайати мушовараи Кумитаи давлатии сармоягузорӣ ва идораи амволи давлатии Ҷумҳурии Тоҷикистон оид ба ҷамъбасти натиҷаҳои фаъолият дар нӯҳ моҳи соли ҷорӣ

Санаи 9 октябри соли ҷорӣ дар бинои Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо иштироки роҳбарияти Кумита, роҳбарони муассисаҳои зертобеъ ва сардорони раёсату бахшҳои сармоягузорӣ дар минтақаҳои ҷумҳурӣ ҷаласаи ҳайати мушовараи Кумита оид ба ҷамъбасти натиҷаҳои фаъолият дар нӯҳ моҳи соли ҷорӣ ва вазифаҳо барои семоҳаи чорум баргузор гардид.

Дар кори ҷаласа вобаста ба натиҷаҳои фаъолияти Кумита дар нӯҳ моҳи соли ҷорӣ ва вазифаҳо барои семоҳаи чорум аз ҷониби муовини раиси Кумита, инчунин аз ҷониби роҳбарони дастгоҳи марказӣ, муассисаҳои зертобеъ ва сардорони раёсатҳои сармоягузорӣ дар минтақаҳо гузориши муфассал дода шуд.

Аз ҷумла, қайд карда шуд, ки дар давраи сипаришуда дар самти тақвият бахшидани фазои сармоягузорӣ, рушди соҳибкорӣ ва бахши хусусӣ, татбиқи босифати лоиҳаҳои давлатии сармоягузорӣ ва идораи самараноки моликияти давлатӣ корҳои назаррасе ба сомон расонида шудааст.

Аз ҷониби роҳбарияти Кумита ҷиҳати таъмини иҷрои саривақтии дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ва Ҳукумати Ҷумҳурии Тоҷикистон ҷиҳати беҳтар намудани фазои сармоягузорӣ, ҷалби бештари сармояи мустақими хориҷӣ, рушди бахши хусусӣ ва идораи самараноки моликияти давлатӣ ба масъулин дастуру супоришҳои мушаххас дода шуд.

Дар охири ҷаласаи ҳайати мушовара доир ба масъалаҳои матраҳшуда қарорҳои дахлдор қабул гардиданд.