Русский
English
Санаи 4 декабри соли 2023 вохурии маҷозии Муовини якуми Раиси Кумита - Хуршед Мирзо бо Муовини Вазири сармоягузории Шоҳигарии Арабистони Саудӣ - Муҳаммад Ал Ҳасна баргузор гардид.
Дар рафти вохӯрӣ ҷонибҳо масъалаҳои ҳамкориҳои дуҷониба, таваҷҷуҳи ҷониби Саудӣ ба Тоҷикистон ва тақвияти муносибатҳои тиҷоратию сармоягузорӣ мавриди муҳокима қарор гирифтанд.
Ҳамзамон, ба ҷониби Шоҳигарии Арабистони Саудӣ барои рушди ҳамкориҳо, номгӯи лоиҳаҳои афзалиятноки кишвар дар самти саноати куҳӣ, кишоварзӣ, тандурустӣ ва энергетика пешниҳод гардидаанд.
Аз ҷониби саудӣ иттилоъ дода шуд, ки санаи 21 декабри соли 2023 дар Шоҳигарии Арабистони Саудӣ Саммити сармоягузорию иқтисодии “Кишварҳои Осиёи Марказӣ ва Халиҷ – GCC-C5” баргузор карда мешавад ва дар он иштироки ширкатҳои ватанӣ муҳим арзёбӣ гардид.
Дар фарҷоми вохӯрӣ ҷонибҳо аз сатҳи муносбатҳои дуҷониба изҳори қаноатмандӣ намуда, барои тақвияти он омодагӣ иброз намуданд.
1 480 