Вохурии Раиси Кумита бо Муовини Президент ва раиси Созмони барнома ва буҷаи Ҷумҳурии Исломии Эрон ҷаноби Довуд Манзур

Санаи 07.12.2023 дар  Кумитаи давдатии сармоягузорӣ ва идораи амволи давлатӣ вохурии Раиси Кумита бо Муовини Президент ва раиси Созмони барнома ва буҷаи Ҷумҳурии Исломии Эрон ҷаноби Довуд Манзур ва Cафири фавқулода ва мухтори Ҷумҳурии Исломии Эрон дар Ҷумҳурии Тоҷикистон ҷаноби Алиризо Ҳақиқиён баргузор гардид.

Дар вохӯрӣ ҷонибҳо маҷмӯи масъалаҳои ҳамкории дуҷониба дар соҳаҳои сармоягузорӣ, соҳибкории хурду миёна ва дигар соҳаҳои афзалиятнокро мавриди баррасӣ қарор доданд.

Қодирзода С. қайд намуд, ки муносибатҳои ҳамкории Ҷумҳурии Тоҷикистон ва Ҷумҳурии Исломии Эрон ба марҳилаи нав баромада, амалишавии лоиҳаҳои сармоягузории муштарак бояд ба манфиати ду давлат равона гардад. Ҳамзамон, ба меҳмонон маълумот вобаста ба фазо ва имкониятҳои сармоягузорӣ дар Ҷумҳурии Тоҷикистон пешниҳод гардид.

Дар навбати худ ҷаноби Довуд Манзур вобаста ба омодагии соҳибкорони эронӣ ҷиҳати сармоягузорӣ дар соҳаҳои кишоварзӣ, мошинсозӣ ва маъдани куҳии Ҷумҳурии Тоҷикистон изҳор намуд.

Дар анҷоми вохӯрӣ ҷонибҳо омодагии худро ҷиҳати тақвият бахшидани ҳамкориҳо изҳор намуданд.