Русский
English
Санаи 18 декабри соли 2023 бо иштироки Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Қодирзода Саъдӣ, муовини вазири рушди иқтисоди Федератсияи Россия Дмитрий Волвач ва Раиси Шӯрои кории Тоҷикистон ва Россия Назаралиев Ислам ҷаласаи (маҷозӣ) солонаи Шӯрои кории Тоҷикистон ва Россия баргузор гардид. Дар вохурии мазкур роҳбарони намояндагони бахши хусусии ҳарду ҷониб низ ширкат варзиданд.
Зимни чорабинӣ аз ҷониби намояндагони мақомоти давлатии ду давлат имкониятҳои ҳамкории ду давлат дар бахшҳои гуногуни иқтисодиёт мавриди баррасӣ қарор дода шуд. Ҳамзамон, аз ҷониби доираҳои бахши хусусӣ низ лоиҳаҳои мушаххаси ҳамкорӣ дар соҳаҳои саноат, энергетика, технологияҳои иттилоотӣ ва шаҳри ҳушманд муаррифӣ гардиданд.
Қодирзода С. қайд намуд, ки бо мусоидати Шӯрои корӣ айни замон дар Тоҷикистон беш аз 400 корхона бо сармояи ширкатҳои Федератсияи Россия бомуваффақият фаъолият доранд. Дар баробари ин, миёни кишварҳо иқтидорҳои истифоданашуда низ вуҷуд дорад ва мо омодаем ҳамкориҳоро дар соҳаи маблағгузории лоиҳаҳо муштарак корбарӣ намоем.
Дар фарҷом аз иштирокчиёни Шӯрои корӣ даъват ба амал оварда шуд, ки дар амалишавии лоиҳаҳои сармоягузорӣ ва тиҷоратӣ, ташкили корхонаҳои муштарак таваҷҷӯҳ зоҳир намоянд.
1 853 