Ҷаласаи корӣ ҷиҳати омодагӣ ба Конфронси сеюми оби Душанбе

2 феврали соли 2024 дар Вазорати корҳои хориҷӣ таҳти роҳбарии муовини якуми вазир Исматулло Насредин ва бо иштироки ҳамраиси Раванди оби Душанбе Султон Раҳимзода ҷаласаи корӣ бо ширкати намояндагони вазорату идораҳои марбутаи кишвар баргузор гардид.

Зимни вохӯрӣ иштирокчиён рафти иҷро ва пайгирии саривақтии супоришҳои Раиси Кумитаи тадорукот – Сарвазири кишвар Қоҳир Расулзодаро, ки 2 январи соли ҷорӣ дар ҷаласаи якуми Кумитаи тадорукот оид ба омодагӣ ва баргузории чорабиниҳо дар доираи Даҳсолаи байналмилалии амал “Об барои рушди устувор, солҳои 2018-2028” ироа шуда буд, матраҳ намуданд.