Вохӯрии раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо сафири фавқулодда ва мухтори Ҷумҳурии Исломии Эрон дар Тоҷикистон

     28 феврали соли 2024 вохӯрии раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Раҳимзода Султон бо сафири фавқулодда ва мухтори Ҷумҳурии Исломии Эрон дар Тоҷикистон ҷаноби Муҳаммадтақӣ Собирӣ баргузор гардид.

     Зимни вохӯрӣ вазъи кунунӣ ва дурнамои густариши ҳамкорӣ байни Тоҷикистону Эрон дар самтҳои тиҷоратию иқтисодӣ, аз ҷумла маблағгузории лоиҳаҳои давлатӣ ва хусусӣ, ҳамкориҳои бонкӣ, таъсиси фондҳои муштарак, табодули таҷриба дар самти фанновариҳо, инчунин саҳми ширкатҳои эронӣ дар татбиқи лоиҳаҳои афзалиятнок мавриди муҳокима қарор гирифт.

     Ҷонибҳо барои тақвияти ҳамкориҳои минбаъда дар самтҳои зикршуда изҳори омодагӣ намуданд.