Русский
English
28 феврали соли 2024 вохӯрии раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо сафири фавқулодда ва мухтори Ҷумҳурии Қазоқистон дар Тоҷикистон ҷаноби Валихан Туреханов баргузор гардид.
Дар вохӯрӣ вазъи ҳамкории Тоҷикистону Қазоқистон дар самтҳои тиҷоратию иқтисодӣ, аз ҷумла ҳамкорӣ бо Маркази байналмилалии молиявии «Астана», тақвияти ҳамкории КВД «Тоҷинвест» бо ҷамъияти саҳомии «Ширкати миллии «KAZAKH INVEST», баргузории форумҳои сармоягузорӣ, ҷалби сармояи ширкатҳои қазоқӣ ба Тоҷикистон, таъсиси корхонаҳои муштарак ва ғайраҳо мавриди муҳокима қарор гирифта, ҷонибҳо барои тақвияти ҳамкорӣ изҳори омодагӣ намуданд.
Зикр гардид, ки баргузории ҷаласаи навбатии комиссияи муштараки ҷонибҳо оид ба ҳамкориҳои иқтисодӣ барои тақвияти ҳамкориҳо дар самтҳои болозикр мусоидат хоҳад намуд.
1 068 