Вохӯрии раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо сафири фавқулодда ва мухтори Подшоҳии Арабистони Саудӣ дар Тоҷикистон

   28 феврали соли 2024 вохӯрии раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо сафири фавқулодда ва мухтори Подшоҳии Арабистони Саудӣ дар Тоҷикистон ҷаноби Валид Абдулраҳмон А. Ал Решайдан баргузор гардид.

   Дар вохӯрӣ вазъи ҳамкории Тоҷикистону Арабистони Саудӣ дар самтҳои тиҷоратию иқтисодӣ, аз ҷумла маблағгузории НБО-и Роғун, гардиши савдои дуҷониба, ҳамлу нақли боркашонӣ, фаъолияти ширкатҳои саудӣ дар Тоҷикистон, ташрифи соҳибкорони  саудӣ ба Тоҷикистон, муаррифии имкониятҳои сармоягузорӣ, таъсиси ширкатҳои саудӣ дар Тоҷикистон ва ғайраҳо мавриди муҳокима қарор гирифта, ҷонибҳо барои тақвияти ҳамкориҳои минбаъда, хусусан баргузории ҷаласаи навбатии комиссияи мушатарак ва форумҳои сармоягузорӣ изҳори омодагӣ намуданд.