Русский
English
Санаи 6 марти соли 2024 раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Раҳимзода Султон бо роҳбари дафтари намояндагии Бонки Аврупоии Таҷдид ва Рушд дар Тоҷикистон Холгер Вифел вохӯрӣ баргузор намуд.
Зимни вохӯрӣ вазъи кунунӣ ва дурнамои густариши ҳамкорӣ бо Бонки Аврупоии Таҷдид ва Рушд, рафти амалишавии лоиҳаҳои сармоягузории давлатӣ ва бахши хусусӣ, маблағгузории лоиҳаҳои афзалиятнок, механизми татбиқи лоиҳаҳо, табодули таҷриба дар самти маблағгузории лоиҳаҳои бахши хусусӣ ва ғайраҳо мавриди муҳокима қарор дода шуданд.
Мавриди зикр аст, ки Бонки Аврупоии Таҷдид ва Рушд дар таҳкими бахшҳои молиявӣ ва хусусӣ, соҳаҳои нақлиёт, энергетика, обтаъминкунии аҳолӣ ва баланд бардоштани сатҳи хизматрасониҳои коммуналӣ дар Тоҷикистон нақши назаррас дошта, бо дастгирии молиявии бонк як қатор лоиҳаҳои сармоягузории давлатӣ ва бахши хусусӣ дар соҳаҳои мазкур мавриди татбиқ қарор доранд.
Аз ҷониби раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва роҳбари дафтари намояндагии Бонки Аврупоии Таҷдид ва Рушд дар Тоҷикистон барои ҷалби бештари сармояи бонк ба иқтисодиёти Тоҷикистон ва тақвияти ҳамкориҳо дар самтҳои зикршуда изҳори омодагӣ карда шуд.
991 