Таҷлили «Рӯзи модар» дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон

   Санаи 7 март дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо иштироки роҳбарият, кормандони дастгоҳи марказӣ ва корхонаҳои зертобеъ иди «Рӯзи модар» таҷлил карда шуд.
   Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода занону бонувонро бахшида ба «Рӯзи модар» табрик намуда, барои саҳми арзандаашон аз суханони Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иқтибос оварданд, ки «Онҳо имрӯз дар ҳамаи соҳаҳои ҳаёти ҷомеа ва давлат софдилона кору фаъолият менамоянд ва бо заҳмати бунёдкоронаву ташаббусҳои созандаашон барои рушди давлати соҳибистиқлоламон саъю талош мекунанд».
    Дар интиҳои чорабинӣ, як қатор занону бонувон барои саҳми арзанда ва софдилона кору фаъолият карданашон бо ифтихорномаҳо қадрдонӣ карда шуданд.