Вохӯрӣ бо сафири фавқулодда ва мухтори Ҷопон дар Тоҷикистон

   Санаи 14 марти соли ҷорӣ вохӯрии раиси Кумитаи давлатии сармоягузорӣ ва идораи амволи давлатӣ Раҳимзода Султон бо сафири фавқулодда ва мухтори Ҷопон дар Тоҷикистон Тошиҳиро Аики баргузор гардид.

   Зимни вохӯрӣ вазъи ҳамкории Тоҷикистону Ҷопон дар самтҳои иқтисодию сармоягузорӣ, аз ҷумла ҳамкории Кумитаи давлатии сармоягузорӣ ва идораи амволи давлатиӣ бо Агентии Ҷопон оид ба ҳамкориҳои байналмилалӣ дар бахши соҳибкорӣ ва сармоягузорӣ, инчунин ҷалби сармояи мустақим, вазъи амалишавии лоиҳаҳои сармоягузории давлатӣ, бахусус таъмини аҳолӣ бо оби ошомиданӣ, баргузории ҳамоиши сармоягузории Тоҷикистону Ҷопон ва ғайраҳо,  мавриди баррасӣ ва муҳокима қарор гирифта, ҷонибҳо барои тақвияти ҳамкориҳои минбаъда изҳори омодагӣ намуданд.

   Муассисаи давлатии «Ташаккул ва рушди соҳибкории Тоҷикистон»-и назди Кумитаи давлатии сармоягузорӣ ва идораи амволи давлатӣ дар ҳамкорӣ бо Агентии Ҷопон оид ба ҳамкориҳои байналмилалӣ дар доираи лоиҳаҳои «Бизнес-инкубатор дар Тоҷикистон» ва «Дастгирии соҳибкорӣ бо грантҳои хурд» ҳамкорӣ дошта, барои рушди соҳаи соҳибкорӣ мунтазам тренингҳо гузаронида ва як қатор лоиҳаҳои сармоягузории аз ҷониби соҳибкорон пешниҳодгардидаро тавассути лоиҳаҳои мазкур маблағгузорӣ намуда истодааст.

   Зикр гардид, ки ҳамоиши сармоягузории Тоҷикистону Ҷопон, ки баргузории он моҳи майи соли ҷорӣ пешбинӣ гардидааст, барои тақвияти ҳамкориҳо дар самтҳои болозикр мусоидат хоҳад намуд.