Мулоқот бо сафири фавқулодда ва мухтори Подшоҳии Британияи Кабир ва Ирландияи Шимолӣ дар Тоҷикистон

   Санаи 14 марти соли ҷорӣ вохӯрии раиси Кумитаи давлатии сармоягузорӣ ва идораи амволи давлатӣ Раҳимзода Султон бо сафири фавқулодда ва мухтори Подшоҳии Британияи Кабир ва Ирландияи Шимолӣ дар Тоҷикистон Тимоти Маршал Ҷонс баргузор гардид.

   Зимни вохӯрӣ вазъи ҳамкории Тоҷикистону Подшоҳии Британияи Кабир ва Ирландияи Шимолӣ дар самтҳои иқтисодию сармоягузорӣ, хусусан ҷалби сармояи мустақим аз Подшоҳии Британияи Кабир ва Ирландияи Шимолӣ ва гардиши савдои хориҷӣ байни давлатҳо ва ғайраҳо  мавриди баррасӣ ва муҳокима қарор гирифта, ҷонибҳо барои тақвияти ҳамкориҳои минбаъда изҳори омодагӣ намуданд.