Вохӯрӣ бо сафири Ҷумҳурии Италия дар Тоҷикистон

Санаи 2 апрели соли 2024 вохӯрии раиси Кумитаи давлатии сармоягузорӣ ва идораи амволи давлатӣ Раҳимзода Султон бо сафири Ҷумҳурии Италия дар Ҷумҳурии Тоҷикистон Агостино Пинна баргузор гардид.
Зимни вохӯрӣ вазъи ҳамкории Тоҷикистону Италия дар самтҳои иқтисодию сармоягузорӣ, табодули таҷриба дар самтҳои ҷалби ширкатҳои итолиявӣ ба Тоҷикистон, баргузории чорабиниҳои минтақавӣ дар самтҳои тиҷоратӣ, рушди долонҳои нақлиётӣ, форуми сармоягузории Тоҷикистону Италия ва ғайраҳо,  мавриди баррасӣ ва муҳокима қарор гирифта, ҷонибҳо барои тақвияти ҳамкориҳои минбаъда изҳори омодагӣ намуданд.
Зикр гардид, ки форуми сармоягузории Тоҷикистону Италия, ки баргузории он ниммаи дуюми моҳи апрели соли ҷорӣ пешбинӣ гардидааст, барои муаррифии имкониятҳои сармоягузории Тоҷикистон ба ширкатҳои италиявӣ ва ҷалби онҳо ба Тоҷикистон мусоидат хоҳад намуд.