Вохӯрии роҳбарияти Кумита бо Сардори раёсати кишварҳои Осиёи Марказии Вазорати корҳои хориҷӣ ва муҳоҷирони Фаластин

Санаи 2 майи соли 2024 вохурии муовини раиси Кумитаи давлатии сармоягузорӣ ва идораи амволи давлатӣ бо Сардори раёсати кишварҳои Осиёи Марказии Вазорати корҳои хориҷӣ ва муҳоҷирони давлати Фаластин баргузор гардид.

Зимни вохӯрӣ, вазъи кунунӣ ва дурнамои густариши ҳамкорӣ байни Ҷумҳурии Тоҷикистон ва Фаластин дар самти сармоягузорӣ ва соҳибкорӣ мавриди баррасии ҷонибҳо қарордошта, барои тақвияти ҳамкории минбаъдаи ҳардуҷониб  изҳори омодагӣ намуданд.

Ҳамзамон, аз ҷониби муовини раиси Кумита ба сармоягузорони фаластинӣ маълумот вобаста ба имкониятҳои сармоягузорӣ дар самтҳои афзалиятноки кишвар дода шуд.

Аз ҷониби сармоягузорони фаластинӣ омодагӣ барои ҳамкорӣ дар самтҳои гуногун, аз он ҷумла дар соҳаҳои дорусозӣ, лавозимоти тиббӣ, ороишӣ, хӯрокворӣ, кишоварзӣ ва сохтмон изҳор карда шуд.